EVENTUS

CURSU DE DERÈTU SINDACALI A.A. 2009/2010

Su Cursu Derètu Sindacali de sa Facultadi de Scièntzias Polìticas cumintzat su 2 de martzu a is 4 de merì, in s’aula 6 de su palatzu “sordo muti” in Viale Sant’Ignazio n. 70.

Titolari de su Cursu est su professori Gianni Loy. Faint letzioni, imparis cun su issu, Piera Loi e Enrico Mastinu, professoris de Deritu de su Triballu in sa Facultadi de Lei. Atrus espertus ant a partecipai a is seminarius. S’Ufitziu de sa Limba Sarda de s’Universidadi de Casteddu agiudat a fai su cursu.

Su cursu durat trinta oras. At a essi cuìndixi letzionis de duas oras dogna lunis, martis et merculis, segundu su calendariu.

Su cursu donat cincu creditus didaticus a is istudentis de Scièntzias Polìticas e de is atras Facultadis chi du faint.

Sa frequentzia est oberta a totus is interessaus, puru si non funti iscritus a s’Universidadi. Su certificau cun is creditus, poi is chi passant s’esamini finali e non funti iscritus a sa Facultadi de Scièntzias Polìticas, tenit valori in su sistema de s’istrutzioni publica. A is atrus at a essi donau unu certificau de frecuèntzia.

Sa preparatzioni s’at a cumpretai cun seminàrius e atrus agiudus informàticus.

Sìnteri su cursu, is professoris chi teninti is letzionis, arricint is istudentis in s’ora fissada in su calendariu de dognunu de issus.

Is istudentis chi sighint su cursu e superant s’esamini podint preguntai de fai sa tesi de laurea in sa materia de Derètu sindacali in lingua sarda.

Totus is chi funt interessaus si pondint assentai a su cursu iscriendi una e-mail a s’indiritzu linguasarda@csri.it

Po informatzionis, si podit telefonai:

Centru de istudius de Relatzionis Indhustrialis, Via Nicolodi 98, (C.A.P. 09123)

tel. 070-6753967, fax 070-6753969